A jiya ne wasu ‘yan bindiga suka yi awon gaba da wani shahararren dan kasuwa, mai suna Alhaji Nasiru Na’ayya dake kauyen Gangarbi a karamar hukumar Rogo tan an jihar Kano.
Wani ganau wanda ya bukaci a sakaye sunansa shine ya tabbatar da faruwar lamarin.
Ya ce ‘yan bindigar sun kai farmaki gidan dan kasuwar ne da misalin karfe 12 na dare, inda suka rika harbin iska kafin su tafi da Dan kasuwar.
Kakakin rundunar ‘yan sandan Kano Abdullahi Haruna ya tabbatar da faruwar lamarin, inda ya ce yana dakon samun cikakken labarin abunda ya faru daga wajen baturen yansanda na karamar hukumar ta Rogo.