Al’ummar garin Rumawa dake karamar hukumar Ungoggo ta nan jihar Kano na matukar farin ciki a saboda gina musu sabuwar Makarantar Firamare a yankin da aka yi, bayan shafe tsawon shekara hudu da wata guguwahade da Iska ta yi awon gaba da ginin makarantarsu da aka yi ta da kara.
A halin yanzu dalibai na yin tururuwa zuwa makarantar wadda a baya suke karatu cikinta cikikin yanayi na takura, a sakamakon lalacewar da makarantar tasu tayi, kafin majalisar karamar hukumar Ungoggo ta kai musu dauki.
A saboda haka rahotonmu na musamman a wannan makon, Da wakilinmu Victor Chiristopher ya hada mana, hadin gwiwa da kungiyar Nigeria Health Watch, Yayi duba kan wannan gagarumin tallafi da Al’ummar garin Rumawa suka samu, da kuma bukatar dake akwai ga sauran kananan hukumomi su dauki darasi.
Saurari cikakken Rahoton da Kamaluddeen Muhammad ya karanta.