Ministan Abuja, Nyesom Wike ya musanta rahotannin dake cewar ya sayi wata sabuwar mota mai sulke kirar Lexus akan tsabar kudi naira milyan 300, daga hawansa matsayin ministan Abuja.
Ministan ya karyata rahotannin ne jim kadan bayan wata ziyarar gani da ido da ya kai, tashar jirgin kasa ta Abuja,domin duba yadda ake gyara sufurin jirgin kasan Abuja ke kasancewa.
An dai nuna hoton wata sabuwar mota kirar Lexus mai sulke,mai dauke da lambar FCT 01, Da aka baiyana cewar tsohon gwamnan jihar Ribas din ne ya saye ta.
Rahotanni sun baiyana cewar sabuwar motar wadda kudinta ya kai naira milyan 300 ta kasance mallakin ministan Abuja,Nyesom Wike.