Ministan Abuja Nyesom Wike ya jagoranci tawagar tsaffin gwamnonin guda hudu da kuma guda daya dake kan mulki a halin yanzu, inda suka gana da shugaban kasa Bola Tinubu a daren jiya.
Rahotanni sun baiyana cewar an fara yin ganawar ne a gidan minista Wike dake Abuja, kafin daga bisani su garzaya wajen shugaban kasa Bola Tinubu a fadarsa dake Villa Abuja.
Duk da cewar babu bayanin abunda ganawar ta kunsa, sai dai wasu rahotanni na baiyana cewar ganawar tasu bata rasa nasaba da inganta alaka tsakanin tsaffin gwamnonin da kuma shugaban kasa.