Tsagin Gwamnonin jam’iyyar PDP biyar da suka shata layi da jam’iyyar, Sun bukaci Dan takarar shugaban kasa na jam’iyyar APC Bola Ahmed Tinubu da ya goyi bayan ‘yan takararsu na gwamna sanatoci a jihohin da suke.
Rahotanni na baiyana cewa, Daga cikin sharuddan da gwamnonin masu inkiyar G-5 suka gabatar wa Tinubu yayin ganawarsu a birnin Landan na kasar Birtaniya a ranar Talata, shine zai nuna goyon bayansa ga ‘yan takararsu na gwamnoni da sanatoci na jam’iyyar PDP a jihohin da suke.
Tawagar gwamnonin ta kunshi wadansu tsaffin gwamnoni da suka hada Donald Duke sau Jonah Jang da Olusegun Mimiko, ,da kuma mamba a kwamitin amintattu na jam’iyyar PDP, Cif Bode George.
Wata majiya mai tushe ta bayyana cewa gwamnonin biyar sun damu da yadda makomarsu ta siyasa zata kasance yayin da suke cigaba da kamun kafa a wajen Tinubun.