Bayan yanke hukunci da kotun ta yi a daren jiya, Shugaban kasa Bola Tinubu wanda a yanzu haka yake halartar taron kungiyar G20 ta kasashe masu yunkurin habaka tattalin arzikin duniya, ya yi murnar samun nasarar da ya yi a gaban kotun tare da mukarrabansa da suka take masa baya zuwa kasar ta Indiya.
A wani faifan bidiyo da ya karade shafukan sadarwar zamani, An nuno shuguban kasar ya na kallon yadda take wakana a zaman kotun kai tsaye ta hanyar amfani da Talabijin.
Bayan tabbatar da nasararsa ta lashe zaben shugaban kasa, Dansa Seyi Tinubu da sauran mutanen dake tare dashi, sun ta yashi murnar samun nasara a kotu.
Daga bisani kuma, Shugaban kasar ya fitar da wata sanarwa ta hannun Kakakinsa, Ajuri Ngelale, wanda ya nuna ya yi maraba da yadda hukuncin kotun ya kasance, yana mai yin kira da a hada hannu wuri daya domin gina kasa.