Kalaman nasa na zuwa ne a yayin da wasu daga cikin Yan majalisar ke cigaba da kamun kafa domin ganin sun dare kan shugabancin majalisun dokoki ta kasa.
Zababben Shugaban kasa, Bola Tinubu ya ce bashi da wani ‘Dan takara da yake muradin ya zama shugaban majalisar dattawa kota wakilai a zauren majalisun na 10 da za’a kaddamar nan gaba kadan.
Tinubu ya baiyana haka ne a yayin ganawarsa da sabbin zababbun ‘yan majalisar dokoki ta kasa a ranar Litinin, Kamar yadda mataimakinsa Kashim Shettima da ya wakilce shi a wajen taron ya baiyana.
Wani zababben dan majalisar wakilai dake wakiltar Bungudu da Maru daga jihar Zamfara, Abdulmalil Bungudu ne ya baiyana haka jim kadan bayan kammala taron.
Dan majalisar ya baiyana cewar, Zababben shugaban kasar ya baiyana cewa bashi da wani dan takara da yake muradin ya zama wani jagoraa cikin sabbin zaurikan majalisun na kasa da za’a kafa.