Dakarun sojin kasar nan sun samu nasarar kubutar kubutar wata Dalibar makarantar Chibok ma shekara 27, mai suna Mary Nkeki, Bayan shafe shekara Tara da Sace ta.
An gabatar da Dalibar ne a shalkwatar Bataliyar soji masu gudanar da shirin sumame na Operation Hadin kai dake Maiduguri a jihar Borno a jiya.
Kasancewar ta Hamsin da Biyar daga cikin jerin ‘yan matan da aka sace, Mary Nkeki ta baiyana cewar Mijinta wanda ya kasance dan Boko Haram mai suna Adam, Shi ne ya yi kokarin ganin ta kubuta, sakamakon mika wuya ga dakarun sojin kasar nan da ya yi.
Ta baiyana cewar ta haifi yara biyu tare da shi, Sai dai dukkaninsu sun rasu, Ta kuma baiyana cewar akwai soyayya tsakaninta da Mijin nata, Kuma tana fatan sun sake haduwa da shi domin dorawa daga inda suka tsaya.