Jam’iyyar PDP ta sanar da mutuwar shugabar matan jam’iyyar ta kasa Farfesa Stella Effah Attoe.
Marigayiyar ta kasance wakiliya a cikin kwamitin gudanarwar jam’iyyar na kasa, inda ta mutu a jiya lahadi, kamar yadda iyalanta suka tabbatar bayan tayi fama da gajeriyar jinya.
Sanarwar da sakataren yada labaran jam’iyyar na kasa Debo Olugunagba ya fitar, Ya baiyanar rasuwar farfesa stella a matsayin wani babban wagegen gibi ga kasar nan.
Shima dan takarar shugaban kasa a zaben da ya gabata karkashin jam’iyayr PDP, Atiku Abubakar ya baiyana kaduwarsa da mutuwar marigayin tare da baiyanata a matsayin gwarzuwar dake wakiltar mata ta kowane bangare.