Kungiyar SERAP ta bukaci shugaban kasa Bola Tinubu ya umarci tsaffin gwamnonin da ke rike da mukamin minista a gwamnatinsa da su daina karbar kudaden fansho da manyan motoci da sauran alawus-alawus daga jihohinsu.
SERAP ta bukace shi da ya umarci tsoffin gwamnonin da su gaggauta mayar da duk wani kudaden fansho da alawus-alawus da suka karba tun bayan barin aiki zuwa asusun gwamnati.
Hakan ya fito ne a wata sanarwa mai dauke da sa hannun mataimakin daraktan SERAP, Kolawole Oluwadare a karshen mako.
Tsoffin gwamnonin da a yanzu suka zama ministoci a gwamnatin Tinubu sun hada da Badaru Abubakar da Nyesom Wike da Bello Matawalle da Adegboyega Oyetola da David Umahi.
Sauran sun hadar da Simon Lalong da Atiku Bagudu; da Ibrahim Geidam.
……