Kungiyar Kwallon Kafa ta Kasa Yan Kasa da shekaru 17 Golden Eaglets zata kece raini da Kungiyar Kwallon Kafa ta Burkina Faso a wasan Karshe na Gasar cin Kofin Matasa Yan Kasa da Shekara 17 ta nahiyar Afrika ta shekarar Bana, wanda za’a yi a Cape Coast na kasar Ghana a ranar Juma’a.
A wasan Kusa dana karshe na gasar da aka yi ranar Talata, Kungiyar Kwallon Kafa ta Burkin Faso ta Lallasa Mai Masaukin Baki Ghana da Ci 1 tak mai ban haushi , A yayin da Najeriya ta doke kasar Cote d Ivoire da ci 3 da 1.
Sakamakon Wasan na biyu da aka yi jiya, Ya nuna cewa, Burkin Faso da kuma Kungiyar Kwallon kafa ta Golden Eaglets ne zasu kasance a gasar cin kofin kafa ta yan kasa da shekara 17 ta shekara mai zuwa wadda kasar Algeriya zata karbi Bakunci.