kimanin mutane 10 ne suka kone, A yayin wasu da dama kuma suka jikkata bayan da wata tankar mai dauke da mai ta fashe a birnin Jos na jihar Filato.
Rahotanni sun baiyana cewar tankar ta fadi ne da misalin karfe 12 da Rabi na dare sannan ta kama da wutar yayin da take kokarin yin kwana a Angwan Rogo, daura da mahadar titin zuwa Bauchi.
Wata sanarwa da kakakin rundunar ‘yan sandan jihar Filato, DSP, Alfred Alabo ya fitar, ya ce mutane 10 ne suka kone, kuma har yanzu ba’a kaiga tantance sub a.
Ya ce ana kokarin dawo da zirga-zirgar ababen hawa a wajen da abun ya faru, tare da kokarin gano wadanda abun ya ritsa dasu.
Sai dai shaidun gani da ido sun ce sama da gawarwaki 20 ne suka kone kurmus, yayin da wasu 12 kuma aka kwashe su zuwa dakin ajiyar gawa.