Mali ta lallasa Saudiyya da ci 3 da 1 a wasan sada zumunci da suka buga ranar Talata a Portimao na kasar Portugal.
Zuwa yanzu dai tawagar 'yan wasan Roberto Mancini ba su yi nasara ba a wasanni takwas a jere, inda suka yi rashin nasara a wasanni bakwai sannan suka yi kunnen doki daya.
A ranar Juma’ar da ta gabata ne kasar Saudiyya ta zura kwallo a ragar Super Eagles ta Najeriya inda suka tashi 2-2 a wani wasan sada zumunci.
A wani wasan kuma, Kungiyar kwallon kafa ta Bafana Bafana ta Afrika ta Kudu ta rike Cote d’Ivoire 1 da 1 a wasan sada zumunci da suka yi a Abidjan ranar Talata.