A jiya ne, Wani kwale-kwale dauke da fasinjoji kimanin 100 ya kife a karamar hukumar Borgu dake jihar Naija.
Mutane da dama ne suka yi bace biyo bayan faruwar hadarin, kamar yadda shugaban hukumar bada agajin gaggawa ta jihar Naija Abdullahi Baba Arah, ya tabbatar.
Ya fadawa manema labarai a daren jiya cewar, har zuwa yanzu babu cikakken bayanin adadin mutanen da suka mutu.
Abdullahi Baba ya kara da cewar, Kwale-kwalen ya ta so ne daga mazabar Dugga Mashaya a karamar hukumar Borgu ta jihar Naija, inda yake kan hanyarsa ta zuwa Kasuwar Wara dake jihar Kebbi, dauke da fasinjoji da kuma kayayyaki kamar su Hatsi da Rake.