Kungiyar kwadago ta yi barazanar ‘kauracewa ganawar da aka shirya yi tsakaninta da gwamnatin tarayya a yau Litinin 30 ga watan Octoban da muke ciki, Matukar ministan kwadago Simon Lalong ya halarci tattaunawar.
Shugaban kungiyar na kasa, Kwamared Joe Ajaero ne ya yayi wannan barazana a yayin da yake amsa tambayoyin manema Labarai a Abuja, Inda yake masu kari haske kan halin da ma’aikata suka tsinci kansu ciki a jihar Imo.
Kwamared Ajaero ya soki ministan kwadagon saboda rashin iya ‘kulla kyakykyawar alaka tsakaninsa da gamaiyyar kungiyoyin kwadago.
Ya kuma yi gargadin cewar zai tattaro kan ‘ya’yan kungiyar domin yiwa jihar Imo tsinke a ranar Laraba mai zuwa 1 ga watan Nuwamba, sakamakon zargin gwamnatin jihar da take ‘yacin ma’aikata a jihar.