Kwallon da dan wasa Karim Benzema da kuma Marco Asensio suka zura, sun temakawa kungiyar kwallon kafa ta Real Madrid wajen doke Chelsea da ci 2 da nema a wasan daf da na kusa da karshe na gasar cin kofin zakarun Turai, da aka yi a ranar Laraba.
Kungiyar kwallon kafa ta Chelsea karkashin mai horaswarta na rikon kwarya Frank Lampard ta kusa zura kwallo a farkon rabin lokaci amma mai tsaron ragar Madrid Thibaut Courtois ya dakile hare-hare da Joao Felix da Raheem Sterling suka rika kaiwa.
A wani bangaren kuma AC Milan ta samu nasara akan Napoli da ci 1 tak mai ban haushi.