Kanfanin rarraba hasken wutar lantarki na KEDCO Ya bukaci abokan huldarsa dake jihohin Kano da Katsina da Kuma Jigawa dasu kara yin hakuri, a yayin da kanfanin ke bakin kokarinsa domin inganta samar da hasken wutar lantarki a jihohin ukku.
Shugaban sashin kasuwanci na kanfanin, Abubakar Yusuf ne yayi wannan roko lokacin da yake zantawa da manema Labarai a shalkwatar kanfanin dake nan Kano.
Y ace kanfanin yana sane da irin rashin jin dadin da abokan huldarsa suke ciki a saboda karancin wutar lantarkin da ake samu musamman a wannan lokaci na azumin watan Ramadan.
Ya kuma baiyana cewar a yanzu haka kanfanin na daukar wasu matakai domin magance matsalar cikinsu hadda gyara Taransifomomin da suka samu matsala domin inganta samarwa da kuma rarraba wutar lantarkin.