Hukumar aikin hajji ta kasa ta sanar da kudin aikin hajjin bana, inda maniyyata aikin hajji da suka fito daga jihohin kudancin kasar nan zasu biya naira milyan 8 da dubu dari 8, a yayin da wadanda suka fito daga shiyyar Borno da Adamawa zasu biya naira milyan 8 da dubu dari 3.
Shugaban hukumar aikin hajji ta kasa, farfesa Abdullahi Usman ne ya baiyana haka ta cikin wata sanarwa, ,ai dauke dasa hannun daraktar yada labaran hukumar, Fatima Sanda Usara, wadda aka fitar a Abuja.
Farfesa Abdullahi Usman, ya ce sauran maniyyata aikin hajjin bana da suka fito daga ragowar jihohin arewa zasu biya naira milyan 8 da dubu dari 4 a matsayin kudin aikin hajjin bana.
Shugaban y ace an sanar da kudin aikin hajjin ne bayan kammala tattaunawa ta tsanaki tare da daukacin masu ruwa da tsaki.