Gwamnatin tarayya ta yi barazanar daina biyan albashin duk wani Ma’aikacin gwamnati da bayanansa basa cikin tsarin tantace bayanan biyan albashi na Bai daya IPPIS daga ranar juma’a mai zuwa 27 ga watan da muke ciki.
Shugabar ma’aikata ta Kasa, Dr Folasade Yemi-Esan ce ta bayyana hakan ta cikin wata sanarwa da Daraktan yada labaranta Mohammed Ahmed ya fitar.
A cewar sanarwar, An fara aikin tantancewar ne ta tsawon mako biyu, wadda za ta kare a ranar Juma’a, domin inganta hanyoyin biyan albashi ga ma’aikata.
Ta yi gargadin cewa ba za a kara biyan duk wani albashi ga ma’aikacin gwamnati da bayanansa basa cikin tsarin.