To ba wai iya tsagin ‘yan hamaiyya ba ne suke irin wannan zargi, A yayin da shima jigo a cikin jam’iyyar APC, kuma tsohon gwamnan jihar Edo, Adam Oshiomhole,ya baiyana takaicinsa kan halin da matakin ya jefa al’ummar kasa.
Oshiohole ya ce babban bankin kasa CBN, Ya yaudari shugaban kasa muhammadu Buhari kan sauyin kudin da aka yi.
A wata hira da aka yi dashi a gidan Talabijin na kasa a karshen mako, Oshiomhole ya nuna rashin amincewarsa da daukar matakin ya mai baiyana shi a matsayin tsari na rashin tunani da babban bankin kasa yayi, domin wargaza zabe mai zuwa.
Ya kara da cewa tsabar son zuciya ce tasa babban bankin kasa ya bullo da tsarin.