Wadansu Injinan cirar kudi na ATM dake bankin Zenith a akan Titin Tafawa Balewa dake cikin karamar Hukumar Nasarawa a nan jihar Kano,sun kama da wuta a Jiya.
Mai magana da yawun hukumar kashe gobara ta jihar Kano, Alhaji Saminu Abdullahi ne ya tabbatar da haka ta cikin wata sanarwa da ya fitar .
Ya kara da cewar sun samu kiran neman daukin gaggawa ta karfe 12 da mintina 6 na tsakar ranar jiya,wanda hakan yasa suka yi gaggawar daukar mataki.
Kakakin hukumar kashe gobara ta jihar Kano, Ya ce Injinan cirar kudi na ATM guda ukku ne gobarar ta cinye, A yayin da wasu guda ukku kuma suka ‘dan tabu, inda ya alakanta tashin gobarar da matsalar lantarki da aka samu a cikin injinan cirar kudi na ATM din.