An tabbatar da tantance tsohon karamin ministan kwadago na kasa, Festus Keyamo a cikin jerin mutanen da za’a nada kan matsayin ministoci, bayan da yaso ya gamu da cikas daga bangaren ‘yan majalisar wanda suka bukaci a dakatar da tantance shi.
Majalisar ta cigaba da zamanta bayan da Festus Keyamo ya nemi afuwar ‘yan majalisar.
Keyamo ya nemi afuwar majalisar saboda kin amsa gaiyatar da aka yi masa a tsohon zauren majalisar day a gabata.
Ya kuma ce babban bankin kasa, shi ne ya jagoranci raba naira bilyan 52 ga mutanen da aka rika baiwa naira dubu 20 a matsayin ma’aikatan wucin gadi,a zamanin gwamnatin da ta shude.