Idan kana cikin masu jiran tallafin gwamnatin jihar Kano bayan cire tallafin man fetur, to a iya cewa jira ya kare yayin da gwamnatin ta fitar da tsare-tsaren agajin rage radadi.
Sai dai ga dukkan alamu tallafin yazo cikin sabon yanayi domin gwamnatin jihar na shirin siyan hatsi daga gwamnatin tarayya da kuma sayarwa a farashi mai rahusa ga mazauna jihar ta Kano.
Gwamnan jihar, Alhaji Abba Kabir Yusuf ya bayyana haka a lokacin wani taron tattaunawa na farko da mambobin kwamitin kyautata ‘Da’a a cikin al’umma CRC daga kananan hukumomi 44 a jiya.
A bangaren sufuri kuwa, Gwamnan ya ce ana shirin farfado da motocin Kanawa domin taimakawa dalibai da mata da sauran nau’o’in mabukata kyauta.