Gwamnatin tarayya ta tabbatar wa ‘yan Najeriya cewar ba za a kara farashin man fetur a fadin kasar ba.
Mai baiwa shugaban kasa shawara kan harkokin yada labarai Ajuri Ngelale ne ya sanar da hakan ga manema labarai na fadar shugaban kasa.
Bugu da kari yaga baiken barazanar da kungiyar kwadago ke yi na shiga yajin aikin gama gari sakamakon karin farashin da ake yayatawa, ba tare da bincike ko tabbatar da gaskiyar lamarin ba.
Ya ci gaba da cewar manufofin gwamnati na daidaita yanayin tafiyar da albarkatun man fetir karkashin shugaban kasa Bola Tinubu ba za’a bari su cutar da talakawa ba.