Dan Takarar gwamnan jihar Kaduna a karkashin jam’iyyar APC, Sanata UbaSani, ya bayyana mataimakiyar gwamnan jihar, Dr. Hadiza Sabuwa Balarabe, a matsayin wadda zata yi masa takarar mataimaki a zaben gwamna na shekara mai zuwa.
Hajiya Hadiza Balarabe, Wadda ta kasance mataimakiyar Gwamna Nasir El-Rufai tun daga shekarar 2019 bayan mataimakinsa na lokacin, Architect Barnabas Bala Bantex, ya ayyana neman kujerar Sanata, Koda yake da farko a cikin watan maris taki karbar tayin da gwamna El-rufa’I yayi mata kafin kuma daga bisani ta amince.
A sakon da ya wallafa a shafinsa na sada zumunta a daren ranar Litinin, Sanata Uba Sani ya ce bayan tattaunawa da masu ruwa da tsaki, Yana farin cikin sanar da cewa ya zabi Hadiza Balarabe a matsayin wadda zata yi masa takarar mataimaki.