Shugaban kwamitin majalisar wakilai kan cuta mai karya garkuwar jiki da tarin fuka da zazzabin cizon sauro, dan majalisa Amobi Ogah ya bukaci gwamnatin tarayya da ta kafa dokar ta-baci kan cutar zazzabin cizon sauro.
Ya bukaci hakan ne a cikin wata sanarwa da ya fitar domin tunawa da ranar Zazzabin cizon sauro ta duniya ta 2023.
Ana bikin ranar zazzabin cizon sauro ta duniya a duk ranar 20 ga watan Agusta.
Taken bikin na 2023 shine, yaki da sauro mai hatsarin kisa a duniya.
Ogah ya ce duba da irin barazanar da cutar zazzabin cizon sauro ke yi wa al’umma, dole ne a yi duk mai yiwuwa wajen ganin an kawar da sauro mai kisa.